МТС дапамог кампаніі «Аскона» зрабіць больш эфектыўную камунікацыю з кліентамі з дапамогай тэхналогіі «Віртуальная АТС». Рэалізаванае рашэнне дазволіла заказчыку паменшыць выдаткі на тэлекамунікацыйнае абсталяванне і знізіла да мінімуму верагоднасць стратаў уваходных тэлефанаванняў ад кліентаў.
МТС выкарыстаў комплексны падыход пры ўстаноўцы сэрвісу «Віртуальная АТС» каб арганізаваць тэлефанію ў кампаніі «Аскона»: было прынятае рашэнне аб аб’яднанні мабільных і фіксаваных нумароў супрацоўнікаў з усіх падраздзяленняў мэблевай кампаніі (інтэрнэт-магазін, офіс, лакальныя салоны мэблі) у адзіную сетку, выкарыстоўваць шматканальны нумар з разумнай маршрутызацыяй тэлефанаванняў, запісваць размовы, весці статыстыку.
Сэрвіс дазволіў наладзіць сістэму карпаратыўнай камунікацыі: супрацоўнікі размеркаваныя па аддзелах, тэлефанаванні ад кліентаў пераадрасоўваюцца згодна з вызначанымі правіламі, што забяспечвае поўны кантроль уваходных тэлефанаванняў.
Дадаткова была праведзеная інтэграцыя з CRM-сістэмай «Бітрыкс 24» і сістэмай скразной аналітыкі Roistat, якія дапамагаюць аналізаваць эфектыўнасць тэлефанаванняў праз розныя каналы камунікацыі.
Функцыя запісу размоў дазваляе весці кантроль работы супрацоўнікаў, праводзіць работу над паляпшэннем якасці абслугоўвання кліентаў і вырашаць спрэчныя сітуацыі.
Атрыманы ў выніку IT-комплекс дабавіў «Аскона» больш аўтаматызацыі і сістэмнасці, а таксама звёў да мінімуму магчымасць страты заказаў з прычыны неапрацаваных своечасова лідаў.
«Выгаду мы адчуваем ужо цяпер. Па нашых падліках, у параўнанні з выдаткамі на падключэнне звычайнай стацыянарнай АТС эканомія ад запуску віртуальнай склала каля 60%. Ды і працаваць стала зручней. Ліды ў CRM-сістэме ствараюцца аўтаматычна, не ўручную. Аналіз продажаў адбываецца прасцей. Але самая галоўная наша ўзнагарода — гэта падзяка кліентаў, таму што цяпер складаней прапусціць тэлефанаванне, і мы можам аддаваць павышаную ўвагу кожнаму», — паведаміў digital-маркетолаг кампаніі «Аскона» Зміцер Хаткевіч.
«Віртуальная АТС дазваляе эканомна арганізаваць тэлефанію без выкарыстання дадатковага абсталявання і падключаць да сістэмы супрацоўнікаў, якія часта пакідаюць офіс або працуюць дыстанцыйна. Пры гэтым не мае значэння, у якога аператара сувязі яны абслугоўваюцца. Інтэграцыя з іншымі CRM-сістэмамі ажыццяўляецца праз API. Настройкі вельмі простыя, у большасці выпадкаў падключыцца да сэрвісу можна ўсяго за 1 дзень без прыцягнення тэхнічных спецыялістаў», — — патлумачыла Юлія Санько, вядучы спецыяліст упраўлення продажаў і абслугоўвання кампаніі МТС.
«Віртуальная АТС» ад МТС — гэта лічбавы сэрвіс, які аб’ядноўвае стацыянарныя, мабільныя тэлефоны і камп’ютары ў адзіную сістэму, доступ да магчымасцяў якой ажыццяўляецца праз вэб-інтэрфейс. Гэтае тэхналагічнае рашэнне дазваляе арганізаваць сучасны шматфункцыянальны кол-цэнтр, устанавіць шматузроўневае галасавое меню, разумную маршрутызацыю тэлефанаванняў, выкарыстоўваць функцыю запісу і спампоўкі размоў, праводзіць інтэграцыю з любымі CRM-сістэмамі, атрымліваць статыстыку тэлефанаванняў.
Больш падрабязна пра сэрвіс «Віртуальная АТС» — тут.