МТС на форуме «ТІБО-2023» прадставіў прадукты і зручныя сэрвісы для бізнесу, а таксама нагадаў пра кібербяспеку

МТС прэзентаваў на выстаўцы «ТІБО-2023» новыя прадукты для бізнесу, а таксама нагадаў пра кібербяспеку. Сярод цікавых навінак — інструменты на аснове BIG DATA, рашэнні па інфармацыйнай бяспецы і паслуга «Прафесійны сэрвіс» ад МТС Cloud, а таксама новая лінейка тарыфаў карпаратыўным кліентам.

Развіццё сеткі

Развіццё інфраструктуры сеткі застаецца адным з важных напрамкаў дзейнасці кампаніі. У 2022 годзе МТС актыўна пашыраў доступ да паслуг сеткі 4G па ўсёй Беларусі. У выніку паэтапнага падключэння мабільнага аператара да базавых станцый LTE-сеткі ўсяго ў мінулым годзе абанентам МТС стала даступна 506 новых базавых станцый. У сельскай мясцовасці Брэсцкай і Гродзенскай абласцей упершыню з'явіўся доступ да паслуг 4G на частаце 800 Мгц. Праводзілася пашырэнне ёмістасці сеткі 4G таксама ў дыяпазонах 1800 і 2600 Мгц. МТС рэалізуе праект па паляпшэнню якасці мабільнай сувязі і пашырэнню геаграфіі паслуг LTE сумесна з інфраструктурным партнёрам beCloud, які займаецца будаўніцтвам адзінай сеткі LTE у Беларусі.

Тэхналогія VoLTE

Росту і галасавога, і мабільнага інтэрнэт-трафіка садзейнічаў і запуск у красавіку 2022 года VoLTE. Усяго за год пасля запуску VoLTE колькасць абанентаў МТС, якія падключылі тэхналогію, перавысіла 800 тыс. чалавек. Яна дае магчымасць адначасова карыстацца ў сетцы 4G/LTE і голасам, і высакаскорасным мабільным інтэрнэтам. Тэхналогія VoLTE даступная жыхарам усіх рэгіёнаў краіны.

Інтэрнэт для офіса

МТС таксама дае паслугу па забеспячэнню офісаў шырокапалосным доступам да інтэрнэту. Падключэнне да Сеткі на скорасці да 1 Гбіт/сек даступнае ў большасці аб'ектаў камерцыйнай нерухомасці Мінска. Магчыма падключэнне па індывідуальным канале перадачы даных, а ў якасці рэзервовага можа быць задзейнічаны бесправадны канал 3G/4G.

МТС Cloud

Вялікая колькасць высокатэхналагічных рашэнняў прадставіў на «ТІБО-2023» МТС Cloud. Гэта падраздзяленне кампаніі, якое спецыялізуецца на аказанні паслуг на базе «воблачных» тэхналогій. МТС Cloud мае ўласны дата-цэнтр, які змяшчае 78 серверных шафаў і працуе на высокапрадукцыйным абсталяванні. У арэнду даюцца вылічальныя рэсурсы, а таксама праграмнае забеспячэнне пад любыя запыты. Кампанія здольная размясціць на сваёй пляцоўцы інфармацыйныя сістэмы як невялікіх, так і буйных замоўцаў.

МТС Cloud прапануе кампаніям падключыць паслугу аддаленага абслугоўвання і маніторынгу IT-інфраструктуры «Прафесійны сэрвіс», якая прадугледжвае таксама настройку, рэзервовае капіраванне сервераў, праграм і сэрвісаў. Каманда МТС Cloud гатовая падзяліцца кампетэнцыямі Windows- і Linux-адміністратараў, а таксама сістэмнага архітэктара. Аўтсорсінг воблачнай інфраструктуры дапаможа хутка і прафесійна закрываць пытанні, звязаныя з тэхнічнай часткай дзейнасці бізнесу. Кампанія зможа працаваць без перабояў, актыўна развівацца і пры гэтым эканоміць на IT-спецыялістах у штаце.

МТС Cloud мае ўсе неабходныя сертыфікаты і атэстаты для размяшчэння інфармацыйных сістэм для апрацоўкі персанальных даных, а для абароны інфраструктуры MTС Cloud гатовы забяспечыць розныя рашэнні: як гатовыя ад вядучых пастаўшчыкоў па інфармацыйнай бяспецы (Kaspersky, Positive technology), так і пад індывідуальныя запыты канкрэтнага заказчыка. Усё гэта дазваляе кліентам у найкарацейшыя тэрміны атрымаць і паўнавартасную абарону інфраструктуры ад кібератак, і гатовую абароненую інфраструктуру, якая поўнасцю адпавядае заканадаўству Беларусі і міжнародным стандартам бяспекі.

МТС прадставіў і digital-прадукты для бізнесу на аснове аналізу і апрацоўкі абязлічаных даных: тарыфны план BIG DATA, паслугу «Таргетаваная SMS у сетцы аператара» і рашэнні з выкарыстаннем геааналітыкі.

Новыя тарыфы і лічбавыя сэрвісы бізнесу

Карпаратыўным кліентам будзе цікавая новая лінейка тарыфаў «Бізнес S», «Бізнес M» і «Бізнес L». Новыя тарыфы складаюцца з безліміту мінут на тэлефанаванні калегам і пакет мінут у сетцы МТС, а таксама гігабайты мабільнага інтэрнэту на неабмежаванай скорасці і безліміт на скорасці да 256 кбіт/c. Абаненцкая плата і некаторыя паслугі даюцца новым абанентам са зніжкай да 12 месяцаў. Таксама даступныя зніжкі на паслугі B2B-сэрвісаў і платформаў, якія спрыяюць развіццю бізнесу: «Бізнес пошук», «Віртуальная АТС», «МТС Камунікатар», «Таргетаваная SMS у сетцы аператара» і зніжкі на абсталяванне.

Кампаніі могуць праводзіць SMS- і Viber-рассыланні сваім кліентам праз платформу «МТС Камунікатар». Акрамя тэксту праз Viber можна таксама перадаваць выявы, дадаваць клікабельныя кнопкі для пераходу на сайт або гіперспасылкі. Адпраўніку даецца падрабязная статыстыка пра статус дастаўкі паведамленняў. Ёсць функцыя аўтаматычнай рассылкі ў вызначаную дату і час.

Вялікую цікавасць для бізнесу могуць уяўляць і паслугі, заснаваныя на IP-тэлефаніі. Так, сэрвіс «Вiртуальная АТС» дазваляе стварыць эфектыўны і шматфункцыянальны кол-цэнтр. З яго дапамогай можна аб'яднаць камп’ютары, стацыянарныя і мабільныя тэлефоны ў адзіную сетку без выдаткаў на спецыяльнае абсталяванне. Ядро сэрвісу захоўваецца ў «воблаку», карыстальніку для ўзаемадзеяння з ім патрэбен толькі браўзер і выхад у інтэрнэт.

А «SIP-тэлефанія» дапаможа скараціць выдаткі на карпаратыўную сувязь або стварыць кол-цэнтр на аснове тэхналогіі Ethernet з выкарыстаннем пратакола SIP. Сэрвіс падтрымлівае неабмежаваную колькасць адначасовых тэлефанаванняў, дазваляе хутка павялічыць колькасць даступных каналаў і забяспечвае высокую якасць сувязі.

Наведвальнікі выставы ацэняць сэрвіс «Бізнес пошук» для вызначэння месцазнаходжання і кантролю за перамяшчэннем аддаленых супрацоўнікаў, які працуе на аснове тэхналогій LBS/GPS. Тэхналогія LBS не патрабуе наяўнасць GPS-сігналу і вызначае размяшчэнне ўладальніка тэлефона ў сетцы 3G або 4G. Сэрвіс таксама дазваляе праглядаць гісторыю перамяшчэнняў, наносіць аб'екты кампаніі і геазоны на карту, абменьвацца паведамленнямі з супрацоўнікамі, фарміраваць справаздачы.

На выстаўцы ТІБО МТС дэманструе магчымасці новага сэрвісу «МТС Апытанне»(стане даступны кліентам да канца красавіка 2023 года), які дазволіць кампаніям і прадпрымальнікам праводзіць розныя даследаванні, а таксама камунікаваць з кліентамі або супрацоўнікамі ў форме інтэрактыўнага апытання. Вынікі даследавання фарміруюцца ў выглядзе наглядных табліц і дыяграм. Такім чынам, бізнес можа атрымліваць аб'ектыўную інфармацыю пра патрэбы і лаяльнасць кліентаў, вымяраць узровень здароўя брэнда і яго пазнавальнасці, правяраць прадуктовыя гіпотэзы, а таксама аналізаваць якасць паслуг. МТС завяршае работы па запуску сэрвісу ў камерцыйную эксплуатацыю, і ў найбліжэйшы час абаненты змогуць скарыстаць яго.

Гандлёвая сетка МТС

МТС можа забяспечыць бізнес тэлекам-дэвайсамі і гаджэтамі, абсталяваннем для офіса (уключаючы ноўтбукі, роўтары, антэны), «разумнай» тэхнікай – такой як датчыкі асвятлення, камеры, праектары і іншае. МТС забяспечвае абсталяванне пад патрэбнасці кампаніі, а таксама зручныя ўмовы фінансавання і дастаўкі. У кампаніі — шырокая гандлёвая сетка з 90 уласных салонаў і 230 партнёрскіх, у якіх налічваецца каля 850 найменняў тавараў, не лічачы мноства аксесуараў, а таксама shop.mts.by. І катэгорыі тавараў увесь час пашыраюцца.

VoiceBox

МТТ, даччыная кампанія ПАТ «МТС», на стэндзе прадэманстравала VoiceBox – платформу для стварэння галасавых памочнікаў. З яе дапамогай, зыходзячы з індывідуальных запатрабаванняў бізнесу, можна сабраць рабатызаванага асістэнта. Памочнік наладжваецца як на ўваходныя, так і на выходныя тэлефанаванні, мае функцыі апрацоўкі, пераадрасацыі тэлефанаванняў, інтэграцыі са знешняй базай даных, распазнання і сінтэзу мовы, інтэрактыўнае меню і шмат іншага. Вопыт укаранення галасавога памочніка паказвае, што ён можа апрацоўваць да 70% усіх тэлефанаванняў аўтаматычна.

Вялікая ўвага надаецца таксама абароне інфармацыі ў выпадку камунікацыі бізнесу з кліентамі. Таму разам з VoiceBox кампанія МТТ прадставіла МТС Exolve – воблачную платформу камунікацыйных сэрвісаў. Яна дапамагае кампаніям і распрацоўшчыкам праз адзіны зручны інтэрфэйс рэалізаваць неабходнае рашэнне: зваротнае тэлефанаванне, кол-трэкінг, абарона нумара, сінтэз мовы, інтэлектуальны выбар выходнага нумара, абмен паведамленнямі. Платформа дае поўны кантроль камунікацый у бізнесе, абараняе даныя кліентаў і інтэгруецца ў любыя сістэмы. Магчыма, аналіз зацікаўленасці наведвальнікамі «ТІБО» платформай дапаможа ў будучыні зразумець перспектывы яе ўкаранення і ў Беларусі.

Інтэрнэт рэчаў

МТС працягвае пашыраць магчымасці выкарыстання інтэрнэту рэчаў, запусціўшы новы тарыф «IoT-сетка» для бесперабойнага абмену даных паміж прыладамі на аснове ўласнай сеткі NB-IoT. Ключавая яе перавага - прыборы абменьваюцца інфармацыяй самастойна, што дазваляе праводзіць выдалены маніторынг і зменшыць выдаткі на ручную зверку даных. Тарыф «IoT-сетка» можа быць запатрабаваны ў сферы ЖКГ, прамысловасці, транспарце, сельскай гаспадарцы, медыцыне і іншых галінах эканомікі. Яго магчымасці дапоўненыя лінейкамі паслуг «Разумны ўлік IoT» і «NB-IoT Пакет», якія разлічаныя на розныя аб'ёмы спажывання трафіка.

Аб'яднанне офісаў на аснове SD-WAN

SD-WAN – прынцыпова новы падыход да кіравання тэрытарыяльна-размеркаванай карпаратыўнай сеткай (WAN, Wide Area Network). Тэхналогія будзе цікавая фінансавым установам, рэтэйлу, прамысловым і здабываючым прадпрыемствам, а таксама іншым кампаніям з вялікай колькасцю філіялаў.

Кібербяспека

На стэндзе МТС таксама нагадаюць пра базавыя правілы кібербяспекі і важнасць лічбавай гігіены. Праверыць свае веды наведвальнікі змогуць, прайшоўшы інтэрактыўны тэст, пасля чаго можна будзе атрымаць памятку для захаванасці персанальных звестак. Тэме кібербяспекі прысвечаныя заняткі ў бясплатнай анлайн-школе лічбавай пісьменнасці для старэйшага пакалення #НавучыСваіх Блізкіх, куды, наведваючы «ТІБО-2023», можна будзе запісацца самому або запісаць сваіх родных.