1. Паслуга «Абяцаны плацеж 5» - гэта магчымасць атрымання абанентам паслуг СТАА «Мабільныя ТэлеСістэмы» (далей - МТС) у выпадку адсутнасці неабходнай колькасці грашовых сродкаў на асабовым рахунку шляхам павелічэння балансу асабовага рахунку на суму ўведзенага плацяжу, якая вызначаецца абанентам самастойна ў межах, устаноўленых гэтымі Правіламі.

2. Паслуга «Абяцаны плацеж 5» даступная для абанентаў - фізічных асоб, юрыдычных асоб і індывідуальных прадпрымальнікаў, якія:

2.1. абслугоўваюцца на любым тарыфным плане МТС за выключэннем тарыфнага плана «Гасцявы», «Гасцявы 7», «Гасцявы 30» з выкарыстаннем авансавага метаду разлікаў (далей - Абаненты).

3. Магчымасць выкарыстаць паслугу «Абяцаны плацеж 5» даецца:

3.1. пры дадатным балансе асабовага рахунку Абанента;

3.2. пры адмоўным балансе асабовага рахунку Абанента, калі запазычанасць складае не больш за 1,00 рубель.

4. Велічыня плацяжу ў рамках паслугі «Абяцаны плацеж 5» можа быць роўная 1,00, 2,00, 3,00, 4,00 або 5,00 рублёў.

5. Тарыфікацыя паслугі «Абяцаны плацеж 5» ажыццяўляецца ў адпаведнасці з дзеючым Прэйскурантам тарыфаў на паслугі сувязі, якія даюцца СТАА «Мабільныя ТэлеСістэмы», а таксама палажэннямі аб сістэме зніжак, зацверджанымі ў МТС.

6. Кошт паслугі «Абяцаны плацеж 5» бярэцца ў поўным памеры ў момант апрацоўкі неабходных для яе падключэння тэхналагічных налад праграмна-апаратным комплексам МТС.

7. Уведзены ў рамках паслугі «Абяцаны плацеж 5» плацеж падлягае пагашэнню на працягу 10 каляндарных дзён з моманту апрацоўкі неабходных для падключэння паслугі тэхналагічных налад праграмна-апаратным комплексам МТС.

8. Пагашэнне ўведзенага ў рамках паслугі «Абяцаны плацеж 5» плацяжу адбываецца наступным чынам:

8.1. Уведзены плацеж лічыцца пагашаным пасля ўнясення любой сумы грашовых сродкаў на асабовы рахунак. Калі ўнесенай сумы недастаткова для дасягнення дадатнага балансу, з пагашэннем уведзенага плацяжу Абаненту прыпыняецца аказанне паслуг у адпаведнасці з дзеючымі ў МТС правіламі блакіровак.

8.2. У выпадку, калі тэрмін дзеяння паслугі «Абяцаны плацеж 5» скончыўся, сума балансу асабовага рахунку змяншаецца на суму ўведзенага плацяжу ў рамках паслугі «Абяцаны плацеж 5».

9. У выпадку калі тэрмін дзеяння паслугі «Абяцаны плацеж 5» скончыўся і плацяжы па пагашэнні ўведзенага плацяжу не рабіліся, сума балансу асабовага рахунку змяншаецца на суму ўведзенага плацяжу. У выпадку адсутнасці дадатнага балансу на асабовым рахунку Абаненту прыпыняецца аказанне паслуг у адпаведнасці з дзеючымі ў МТС правіламі блакіровак.

10. Абаненты з падключанай паслугай «Тэрміновы крэдыт 10» не могуць падключыць паслугу «Абяцаны плацеж 5», і наадварот.

11. Падключыць паслугу «Абяцаны плацеж 5» можна адным з наступных спосабаў:

11.1. скарыстайце мабільную праграму «Мой МТС»

11.2. набярыце на тэлефоне *113*сума плацяжу ў рублях#;

11.3. патэлефануеце па нумары 0870 13;

11.4. адпраўце SMS-паведамленне на нумар 0870 13 з вызначэннем у тэксце паведамлення сумы плацяжу ў рублях;

11.5. скарыстайце Інтэрнэт-памочнік.

12. Адключыць паслугу «Абяцаны плацеж 5» можна адным з наступных спосабаў:

12.1. пры дапамозе нетарыфікуемага USSD-запыту *113*0#;

12.2. звярнуўшыся ў Цэнтр абслугоўвання абанентаў МТС, Кантактны цэнтр МТС.

З моманту адключэння паслугі «Абяцаны плацеж 5» сума балансу асабовага рахунку змяншаецца на суму ўведзенага плацяжу. У выпадку адсутнасці дадатнага балансу на асабовым рахунку Абаненту прыпыняецца аказанне паслуг у адпаведнасці з дзеючымі ў МТС правіламі блакіровак.

13. Падключэнне і адключэнне паслугі «Абяцаны плацеж 5» ажыццяўляецца з моманту рэгістрацыі заяўкі на гэтае дзеянне ў праграмна-апаратным комплексе МТС.

14. Паўторна выкарыстаць паслугу «Абяцаны плацеж 5» можна толькі пасля пагашэння папярэдняга плацяжу, уведзенага ў рамках паслугі «Абяцаны плацеж 5», або адключэння дзеючай на нумары паслугі «Абяцаны плацеж 5» у адпаведнасці з п.12 гэтых Правілаў і пры выкананні ўмоў, названых у п. 3 гэтых Правілаў.

15. Падчас запыту інфармацыі пра баланс пры дапамозе Мабільнага Памочніка, Інтэрнэт-Памочніка, USSD-запыту паведамляецца сума балансу з улікам сумы ўведзенага плацяжу ў рамках паслугі «Абяцаны плацеж 5».

16. Кампанія МТС мае права адмовіць у аказанні паслугі «Абяцаны плацеж 5» Абанентам з авансавым метадам разлікаў без тлумачэння прычын адмовы.

17. Падключаючы паслугу «Абяцаны плацеж 5», Абанент тым самым пацвярджае сваё азнаямленне і выказвае згоду з гэтымі Правіламі і прымае іх.