Кампанія МТС далучылася да ініцыятывы Глабальнага дагавора ААН па добраўпарадкаванні Батанічнага сада, прымеркаванай да Дня Зямлі.

У Мінску па ініцыятыве Сеткі Глабальнага Дагавора ў Беларусі прайшло экалагічнае мерапрыемства, прысвечанае міжнароднаму Дню Зямлі. Супрацоўнікі 13 беларускіх кампаній-удзельніц Глабальнага Дагавора ААН 23 красавіка дапамаглі добраўпарадкаваць тэрыторыю Цэнтральнага батанічнага сада, які сёлета адзначае 90-годдзе.

Дзень Зямлі адзначаецца штогод 22 красавіка. Гэта сусветная акцыя, якая накіраваная на захаванне прыроды і закліканая заахвоціць людзей быць больш уважлівымі да крохкасці экасістэмы.

Больш за 120 чалавек прыбіралі леташнюю лістоту, перасаджвалі расліны, усталёўвалі сінічнікі. Акцыю падтрымалі супрацоўнікі кампаній-удзельніц Сеткі Глабальнага Дагавора ААН: МТС, «Беларусбанк», «Сбер Банк», «БСБ Банк», SoftTeco, Асацыяцыя еўрапейскага бізнесу, грамадская арганізацыя «SOS-Дзіцячыя вёскі» і інш.

На мерапрыемстве спецыялісты-эколагі пракансультавалі ўдзельнікаў акцыі па экалагічных пытаннях, а таксама пратэставалі якасць пітнай вады на нітраты. Дзяцям былі арганізаваныя лекцыя і чэлендж, усе жадаючыя маглі далучыцца да экскурсіі з заолагам, які расказаў пра птушак і жывёл, якія жывуць у садзе.

Кампанія МТС традыцыйна падтрымлівае розныя экалагічныя ініцыятывы. Мерапрыемства да Дня Зямлі зрабіла ўклад у дасягненне Мэтаў устойлівага развіцця ў Беларусі. Яно праводзілася пад эгідай Мэты 15 «Захаванне экасістэм сушы» і Мэты 17 «Партнёрства ў інтарэсах устойлівага развіцця».