Аб кампанii
МТС распачаў сваю дзейнасць у Беларусі 27 чэрвеня 2002 года. На сённяшні дзень кампанія - найбуйнейшы правайдар тэлекамунікацыйных паслуг і лічбавых рашэнняў у Беларусі па колькасці абанентаў - іх 5,7 млн. Мабільная сувязь МТС ахоплівае больш за 98% тэрыторыі краіны, на якой пражывае 99,90% насельніцтва Беларусі.
Адным з ключавых напрамкаў кампаніі з'яўляецца развіццё інфраструктуры сеткі і ўкараненне на яе аснове інавацыйных сэрвісаў. Так, напрыклад, у сетцы аператара МТС за 2022 год агульнае спажыванне мабільнага інтэрнэт-трафіка павялічылася на 15%, у 4G-сетцы гэты паказчык вырас на больш за 21%.
З улікам попыту на высокія скорасці МТС у снежні 2015 года першым сярод беларускіх аператараў пачаў даваць паслугі 4G. Гэта сумесны праект з інфраструктурным партнёрам beCloud, які займаецца будаўніцтвам адзінай сеткі LTE у Беларусі. Сетка 4G дзейнічае ва ўсіх абласных гарадах і раённых цэнтрах, ёй ахоплена 96,20% гарадскога і сельскага насельніцтва. Пашырэнне паслуг LTE ад МТС адбываецца за кошт уключэння новых базавых станцый дыяпазонаў 2600 і 1800 Мгц, а таксама дыяпазону 800 Мгц, які мае вялікі радыус дзеяння.
Мадэрнізацыя сеткі дазваляе прапаноўваць абанентам паслугі і сэрвісы на якасна новым узроўні: тарыфныя планы з неабмежаваным па аб'ёме мабільным інтэрнэтам, лічбавыя сэрвісы, а таксама плацежны сэрвіс, якія дазваляюць аплочваць паслугі з балансу мабільнага тэлефона, і інш.
МТС развівае экасістэму сэрвісаў і паслуг у бізнес-сегменце. Так, кампанія прапануе карпаратыўным кліентам стварыць аддаленыя працоўныя месцы, перанесці IT-інфраструктуру ў «воблака», укараніць электронны дакументаабарот, арганізаваць у офісе сучасную тэлефанію, наладзіць інтэрнэт рэчаў і многія іншыя лічбавыя рашэнні для эфектыўнай дзейнасці бізнесу.
Сярод кліентаў МТС акрамя фізічных асоб - прыватныя і дзяржаўныя прадпрыемствы. Кампанія дае неабходныя вылічальныя рэсурсы на базе ўласнай віртуальнай «воблачнай» інфраструктуры МТС Cloud. У 2021 годзе быў запушчаны ўласны Дата-цэнтр, узровень адмоваўстойлівасці якога аналагічны патрабаванням Tier III.
З кожным годам, улічваючы запатрабаванні кліентаў, таксама расце асартымент тавараў у гандлёвай сетцы МТС. Азнаёміцца з прапановамі спажыўцы паслуг могуць у салонах сувязі і інтэрнэт-краме МТС. Гандлёвая сетка МТС адпавядае высокім сэрвісным стандартам і патрабаванням да асартыменту, якасці паслуг і работы персаналу. У ёй прадстаўлена каля 800 розных тавараў, якія пакупнікі могуць набыць як за поўны кошт, так і ў растэрміноўку.
Адным з асноўных прынцыпаў кампаніі МТС з'яўляецца прынцып карпаратыўнай сацыяльнай адказнасці. Кампанія робіць даступнымі інавацыі, стымулюе развіццё грамадства і ліквідацыю лічбавай няроўнасці, аказвае падтрымку развіццю спорту і культуры, экалагічным ініцыятывам і найменш абароненым пластам насельніцтва.
Яскравы прыклад падтрымкі сацыяльных ініцыятыў па павышэнню інтэрнэт-пісьменнасці: праект #ІнтэрнэтБезБулінга, які МТС праводзіць разам з Дзіцячым фондам ААН (ЮНІСЕФ) у Беларусі, праект «Дзеці ў інтэрнэце», а таксама анлайн-школа для старэйшага пакалення #НавучыСваіхБлізкіх.
МТС станавіўся пераможцам і лаўрэатам прэстыжных прэмій у Беларусі. Так, кампанія была адзначаная высокімі ўзнагародамі на найбуйнейшым штогадовым прафесійным конкурсе «Брэнд года», міжнародным фестывалі-конкурсе «Выбар года», а таксама прэміі эфектыўнасці маркетынгу ADMA, на фестывалі рэкламы ЛАМА і інш.