МТС і Дзіцячы Фонд ААН (ЮНІСЕФ) у Беларусі 11 верасня 2022 года правядуць Дзіцячы забег у рамках Мінскага паўмарафону. Дзеці ад 3-х да 12-ці гадоў пераадолеюць дыстанцыю ў 500 метраў на дарослай трасе.
Прыняць удзел у Дзіцячым забегу можна пасля бясплатнай рэгістрацыі на сайце www.move4good.by. Там жа бацькі юных бегуноў пры жаданні могуць зрабіць данат у падтрымку праекта, накіраванага на развіццё інклюзіўнай адукацыі. Кожны, хто зробіць свой унёсак, атрымае дзіцячую футболку з сімволікай забегу, а сабраныя сродкі ЮНІСЕФ у Беларусі накіруе на куплю навучальнага абсталявання для дзяцей з інваліднасцю.
Маленькія атлеты змогуць прабегчы або прайсці дыстанцыю разам з бацькамі. На фінішы дзеці атрымаюць «медалі чэмпіёна» як сімвал унёску кожнага ўдзельніка ў прасоўванне здаровага ладу жыцця і спорту.
«Мы радыя падтрымліваць спартовы праект Move4Good і разам з ЮНІСЕФ у Беларусі праводзіць Дзіцячы забег, які ўжо стаў добрай традыцыяй. Папярэдні вопыт паказвае высокую ўвагу да гэтай ініцыятывы. Гэта даказвае, што дзецям і бацькам важна быць часткай добрай справы і дапамагаць тым, хто асабліва мае ў гэтым патрэбу», – адзначылі ў кампаніі МТС.
Атрымаць рэгістрацыйны нумар для дзяцей-удзельнікаў забегу можна будзе на тэрыторыі стадыёна «Дынама», там жа падчас правядзення Мінскага паўмарафону будзе працаваць пляцоўка МТС і ЮНІСЕФ у Беларусі з забавамі для дзяцей.
«ЮНІСЕФ падтрымлівае развіццё інклюзіі. Роўнае стаўленне да ўсіх дзяцей, у тым ліку да дзяцей з інваліднасцю, - важны крок на шляху да інклюзіўнага грамадства, дзе кожны адчувае сябе каштоўным, маючым права і магчымасці нароўні з усімі», - адзначылі ў ЮНІСЕФ у Беларусі.
Move4Good - гэта дабрачынны інклюзіўны спартыўны праект Дзіцячага фонду ААН (ЮНІСЕФ) у Беларусі, які падтрымлівае МТС. Move4Good стартаваў з анлайн-трэніровак, якія праводзяць дарослыя і дзеці, у тым ліку з вядомымі спартсменамі і папулярнымі блогерамі. Кульмінацыяй праекта стане Дзіцячы забег, які пройдзе 11 верасня ў цэнтры Мінска.