МТС стаў Генеральным партнёрам адукацыйнага фестывалю R:ED FEST Belarus па робататэхніцы і праграмаванню

У Мінску прайшоў прэстыжны адукацыйны фестываль R:ED FEST Belarus. Больш за 300 юных IT-спецыялістаў ва ўзросце ад 5 да 18 гадоў сабраліся ў зале Нацыянальнага дзіцячага тэхнапарка, каб атрымаць званне найлепшага робататэхніка і праграміста. Генеральным партнёрам мерапрыемства выступіла кампанія МТС.

Удзельнікі фестывалю R:ED FEST Belarus на працягу двух дзён спаборнічалі ў зборцы і праграмаванні робатаў, якія потым бралі ўдзел у захапляльных паядынках. Разумныя машыны знаходзілі выхад з лабірынта, перацягвалі канаты, ладзілі гонкі з перашкодамі і інш. Усяго падчас спаборніцтваў было разыграна 43 прызавыя месцы ў 7 катэгорыях.

Дадатковай займальнай часткай фестывалю стала інтэрактыўная пляцоўка ад МТС, дзе ўдзельнікі спаборніцтваў маглі ствараць крэатыўныя відэаролікі і дзяліцца імі ў сацсетках.

МТС рэалізуе прынцыпы адказнага вядзення бізнесу, і падтрымка адукацыйных праектаў стала традыцыяй кампаніі. У сваёй дзейнасці МТС надае асаблівую ўвагу ініцыятывам, якія садзейнічаюць інавацыйнаму развіццю краіны. Фестываль R:ED FEST Belarus стаў не толькі пляцоўкай для спаборніцтваў і творчасці, але і месцам, дзе маладыя таленты маглі абмяняцца вопытам і атрымаць дадатковыя веды ў IT-сферы.