Абанентам МТС даступная магчымасць самастойна вырашаць многія фінансавыя пытанні праз мабільную праграму «Мой МТС». Расказваем, як з яе дапамогай наладзіць аўтаплацеж, падзяліцца балансам, аплаціць растэрміноўку і перанесці памылковы плацеж.
На першай старонцы праграмы «Мой МТС» можна ўбачыць бягучы баланс на нумары і даступныя рэшткі трафіка. Каб скарыстаць фінансавыя паслугі, неабходна ўнізе экрана выбраць укладку «Фінансы».
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/3b6/9tgcl689zv8p3benhxhn8uotdi555err/1.webp)
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/a91/li3fhcq0w3gu1eet8lss5ozgf2t38how/2.webp)
Калі ў вас была аформленая растэрміноўка, то яе можна аплаціць праз опцыю «Растэрміноўка». Грошы спішуцца з балансу нумара.
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/abe/hnrgljjy79iym91xhikt9vlpjdbmxgpw/3.webp)
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/7dc/rmsi0dlx2j20uhdqv6jrnzp86drfd7dc/4.webp)
Каб аўтаматычна папаўняць баланс тэлефона без камісіі з банкаўскай карты, можна падключыць функцыю «Аўтаплацеж». Для гэтага неабходна зайсці ў гэты раздзел і націснуць «Падключыць аўтаплацеж». Затым трэба вызначыць нумар, да якога падключаецца паслуга, увесці суму, якую хочаце ўнесці на рахунак, і націснуць кнопку «Далей». Пры жаданні можна вызначыць свой e-mail.
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/ec1/84jz0n7lvp9offtnnowyvppooio22aue/5.webp)
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/121/8dn1vlartn89t3ireruvtbq6x3ab9i2v/6.webp)
Далей трэба ўвесці рэквізіты банкаўскай карты і паставіць птушку ў опцыі «Запомніць карту» для «прывязкі» да нумара, на які аўтаматычна будуць пераводзіцца грошы. Пасля гэтага націсніце кнопку «Падключыць аўтаплацеж» яшчэ раз. З'явіцца меню з варыянтамі аўтаплацяжу. Пасля таго як вы зробіце выбар, паслуга будзе падключаная.
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/ecc/3dr7360jzmyv9pjqzo5sz7zc4tq7c63q/7.webp)
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/368/s63hdy1kt468gomt8o7wzckch6cywrin/8.webp)
З дапамогай паслугі «Падзяліцца балансам» можна лёгка перавесці да 5 рублёў са свайго балансу на іншы нумар МТС. Для гэтага неабходна ўвесці нумар тэлефона, суму перавода і націснуць кнопку «Далей».
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/f86/r390053gur7d9jdvrgz8cckvfp4k39cj/9.webp)
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/3c0/nlob8ud0x4hkxzmi8bbzkk1mr7vg2sct/10.webp)
Калі вы паклалі грошы не на той нумар, то можна скарыстаць укладку «Перанос памылковага плацяжу». Для гэтага дастаткова запоўніць усе палі ў адпаведнай форме і націснуць на кнопку «Адправіць». Звярніце ўвагу, што ў гэтай паслузе ёсць шэраг абмежаванняў - яны прапісаныя ў заўвазе.
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/6a7/a4u9m1syq4b511aqti6lnx1vx5h2vzk1/11.webp)
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/f7b/gyc8b3luhggcpffa82240ikhyxfhf73m/12.webp)
Праз раздзел «Фінансы» таксама можна здзяйсняць розныя плацяжы ў АРІП з балансу нумара. Для гэтага трэба быць падключаным да сэрвісу «МТС Деньги».
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/130/wmcyanhpzchf6r9arfww18qkdtckia5f/13.webp)
![Фінансавыя магчымасці праграмы «Мой МТС»: як наладзіць аўтаплацеж і падзяліцца балансам](/upload/medialibrary/78e/vbsyrlsue14mqgdpinmmtnx28o6bxked/14.webp)
Праграма «Мой МТС» дазваляе гібка кіраваць сваімі нумарамі: сачыць за балансам і рэшткамі трафіка, падключаць і адключаць дадатковыя паслугі. Раней мы дзяліліся інструкцыяй, як у ёй зарэгістравацца, наладзіць пароль і падключыць дадатковыя нумары.
Больш падрабязна пра праграму «Мой МТС» — тут.