Меню

МТС Cloud прапануе рэзервовае капіраванне і аднаўленне даных у «воблаку» на базе рашэнняў Veeam

МТС Cloud пачаў даваць паслугі рэзервовага капіравання (BaaS) і аварыйнага аднаўлення (DRaaS) даных у «воблаку» з дапамогай рашэнняў ад Veeam. Гэта дазволіць кампаніям забяспечыць бесперабойную працу, абараніць даныя ад страты ва ўсіх IТ-асяроддзях і аптымізаваць бізнес-працэсы.

МТС Cloud прапануе скарыстаць рашэнні BaaS: Veeam Backup & Replication дазваляе рабіць рэзервовыя копіі віртуальных машын, размешчаных непасрэдна ў МТС Cloud, а Veeam Cloud Connect Backup дазваляе бэкапіраваць аб'екты з пляцоўкі кліента ў воблака МТС. Прадугледжанае рэзервовае капіраванне не толькі віртуальнай, але і фізічнай інфраструктуры (сервера або рабочай станцыі) з дапамогай Veeam Agent.

Шматфункцыянальныя рашэнні BaaS дазваляюць рабіць рэзервовыя копіі ўсіх аперацыйных сістэм, баз даных і праграм з магчымасцю гранулярнага аднаўлення файлаў, дакументаў, электронных лістоў без аднаўлення ўсёй сістэмы. Гэтыя сэрвісы запатрабаваныя кампаніямі, якія штодня акумулююць вялікія аб'ёмы даных у сваёй IT-інфраструктуры: банкі, транспартныя і страхавыя кампаніі, рэтэйл і інш.

Таксама ў МТС Cloud даступнае аварыйнае аднаўленне віртуальных машын як сэрвіс (DRaaS) на базе Veeam Cloud Connect Replication. У выпадку аварыі або адмовы ўласнай інфраструктуры кліент за лічаныя хвіліны можа запусціць яе цалкам працаздольную копію ў «воблаку» МТС. Пасля аднаўлення сістэмы можна пераключыцца назад з захаваннем усіх змен, якія адбыліся за гэты час.

З дапамогай Veeam можна арганізаваць бясшвовую міграцыю віртуальных машын кліента з любой віртуальнай пляцоўкі ў «воблака» МТС. Бяспека забяспечваецца абароненымі каналамі і пратаколамі перадачы даных, магчымасцю самастойнага шыфравання інфармацыі кліентам, а таксама інфраструктурай МТС Cloud.

«Бізнесу, асабліва які працуе анлайн, крытычна важная бесперабойнасць сэрвісу. Беларускія кампаніі могуць выкарыстоўваць перадавыя сусветныя рашэнні ў галіне рэзервовага капіравання ад Veeam. Яны забяспечаць не толькі поўную захаванасць і цэласнасць даных, але і бесперапыннасць бізнесу ў выпадку аварыі ў кліента. Дзеля бэкапіравання мы даем прыватнае «воблака» МТС, цалкам гарантуючы надзейнасць і канфідэнцыяльнасць», - падкрэслівае начальнік упраўлення інавацыйных рашэнняў кампаніі МТС Арцём Максіменка.

«Veeam - на 100% партнёрскі бізнес, і мы вельмі радыя пачатку супрацоўніцтва з такім моцным партнёрам у Беларусі. Упэўнены, што дзякуючы МТС Cloud і Veeam усё больш кампаній змогуць вывесці абарону даных на новы ўзровень, забяспечыць бесперапыннасць бізнесу і ацаніць усе перавагі простых, зручных і надзейных рашэнняў Veeam», - дадаў Уладзімір Клявін, рэгіянальны дырэктар Veeam у Расіі, СНД, Украіне і Грузіі.

Паслугі даступныя ў МТС Cloud у фармаце штомесячнай падпіскі. Кошт залежыць ад колькасці аб'ектаў, якія бэкапіруюцца, іх тыпу і аб'ёму вылучанай дыскавай прасторы. Што тычыцца аварыйнага аднаўлення - вылічальныя рэсурсы аплачваюцца па факце іх выкарыстання.

Больш падрабязна можна даведацца тут.

Будзьце ў курсе выгадных прапаноў - падпішыцеся на рассылку МТС

Опрос о сайте МТС
Апытанне пра сайт МТС
Дапамажыце нам стаць лепш - прайдзіце кароткае апытанне
Пытанне 1 з 5
Ці проста знайсці на сайце МТС патрэбную інфармацыю?
Не, не проста
Так, проста
Пытанне 2 з 5
Як вы ацэньваеце дызайн сайта?
Не падабаецца
Вельмі падабаецца
Пытанне 3 з 5
Ці лічыце вы сайт карысным?
Не, не карысны
Так, карысны
Пытанне 4 з 5
Што можна палепшыць на сайце?
Пытанне 5 з 5
Ці парэкамендуеце вы сайт МТС сваім калегам і партнёрам?
Дакладна не
Дакладна так
Дзякуй, што прайшлі апытанне
Дзякуй, што прайшлі апытанне
Вы нам вельмі дапамаглі