Колер музыкі. МТС і BelonicaArt правядуць навучальныя заняткі для невідушчых з дапамогай прылады і праграмы Lihtar

Кампанія МТС падтрымала праект BelonicaArt, які дапамагае невідушчым людзям візуалізаваць колер і маляваць карціны. Для гэтага ініцыятары праекта распрацавалі адмысловую прыладу і мабільную праграму Lihtar, якая счытвае колер і прайгравае адпаведную мелодыю.

Навучальныя заняткі праходзяць двойчы на тыдзень. На працягу некалькіх месяцаў вучні змогуць асвоіць спецыяльную тэхніку малявання і пашырыць магчымасці ўспрымання навакольнага свету. Прылада па распазнанні колеру і мабільная праграма Lihtar дазваляе невідушчым людзям атрымаць уяўленне аб каляровай палітры з дапамогай музыкі і такім чынам навучыцца маляваць.

«Гэта як раз той выпадак, калі тэхналогіі дазваляюць вырашаць важныя сацыяльныя праблемы. Дзякуючы распрацоўцы праекта BelonicaArt невідушчыя людзі з дапамогай музыкі і ўяўленні змогуць ствараць уласныя працы. Гэта выдатная магчымасць адкрыць талент у чалавека, які па незалежных ад яго прычынах не мог гэтага зрабіць раней. І што не менш важна, гэта дапамагае невідушчым людзям інтэгравацца ў грамадства, займацца творчасцю, адпачываць і працаваць», - адзначылі ў кампаніі МТС.

«Мы радыя, што наш праект прыцягвае ўвагу, і ўсё больш невідушчых людзей могуць заняцца творчасцю. Для кожнага нашага вучня - гэта шанс выказаць сябе і знайсці падтрымку сярод аднадумцаў. А для некаторых маляванне становіцца своеасаблівай тэрапіяй: любімая справа дапамагае атрымліваць новыя эмоцыі і вярнуцца да паўнацэннага жыцця », - лічаць стваральнікі ініцыятывы BelonicaArt Ірына і Сяргей Бандаровічы.

Пасля завяршэння навучання будзе арганізаваная выстаўка работ удзельнікаў праекта. Усе жадаючыя змогуць падтрымаць мастакоў-пачаткоўцаў і набыць работы, створаныя ў рамках партнёрскага праекта.