МТС праводзіць чарговы набор у анлайн-школу для людзей старэйшага пакалення #НавучыСваіхБлізкіх. Далучыцца да заняткаў могуць усе жадаючыя з любога кутка Беларусі. Галоўная задача бясплатнага курса - дапамагчы людзям «трэцяга» ўзросту камфортна карыстацца гаджэтамі і вырашаць з іх дапамогай многія пытанні.
Так, на занятках можна будзе даведацца, як загружаць праграмы, рабіць пакупкі ў інтэрнэт-крамах, выпісваць анлайн газеты і часопісы, а таксама аплачваць камунальныя паслугі без паходу на пошту або ў банк, браць электронныя талончыкі да ўрача і шукаць лекі па выгаднай цане ў бліжэйшых аптэках.
Курс разлічаны на 9 заняткаў, якія будуць праходзіць 2 разы на тыдзень па 1,5 гадзіны на платформе Zoom. Замацаваць навыкі і паўтарыць пройдзены матэрыял можна з дапамогай відэаўрокаў, распрацаваных спецыяльна для анлайн-заняткаў. Да вэбінараў могуць падключацца дзеці і ўнукі, каб дапамагчы сваім родным асвойваць мабільныя тэхналогіі. Пасля праходжання анлайн-тэста ўсе навучэнцы атрымаюць сертыфікат ад МТС.
Як запісацца на анлайн-курс #НавучыСваіхБлізкіх?
Каб стаць слухачом анлайн-школы #НавучыСваіхБлізкіх, неабходна зарэгістравацца ў інтэрнэце або падысці ў любы салон сувязі МТС. Заняткі будуць праходзіць у групе з 20-30 слухачоў. Навучанне ў анлайн-школе #НавучыСваіхБлізкіх — бясплатнае, а далучыцца да ўрокаў можна з любога кутка краіны.