МТС заняў першае месца адразу ў дзвюх намінацыях – «Мабільны аператар» і «Сэрвіс лічбавых камунікацый» – штогадовай Прэміі «Нумар адзін». У гэтым годзе ўдзел у конкурсе прымалі каля 4 тысяч брэндаў. Сярод намінантаў - прадстаўнікі банкаўскай, медыцынскай, тэлекамунікацыйнай і іншых сфер. Пераможцаў вызначалі на аснове выбару экспертаў і маштабнага анлайн-галасавання.
Прэмія «Нумар адзін» праводзіцца штогод з 2017 года і ўручаецца лепшым і запатрабаваным беларускім кампаніям, таварам і паслугам. У склад журы конкурсу ўваходзяць прадстаўнікі бізнесу і СМІ, спецыялісты з розных галін эканомікі, прызнаныя прафесіяналы і эксперты.
Па выніках комплекснай ацэнкі МТС атрымаў перамогу ў намінацыях «Мабільны аператар» і «Сэрвіс лічбавых камунікацый».
Вызначэнне пераможцаў прэміі «Нумар адзін» адбываецца шляхам падсумоўвання вынікаў галасавання і ацэнкі спажыўцоў, журы і арганізатараў конкурсу. Удзельная вага меркавання спажыўцоў складае 40 %, членаў журы - 40 %, а аргкамітэта - 20 % ад выніковай ацэнкі.
Народнае галасаванне праводзіцца анлайн на сайце Mytop.by.
У гэтым годзе яно праходзіла з 25 сакавіка па 5 красавіка. У выбары лепшых прынялі ўдзел больш за 35 тысяч рэспандэнтаў.
Урачыстая цырымонія ўзнагароджання пераможцаў прэміі «Нумар адзін» прайшла ў Беларускай дзяржаўнай філармоніі ў Мінску ў суправаджэнні Дзяржаўнага сімфанічнага аркестра Беларусі.