МТС папярэджвае аб новай схеме махлярства: тэлефануюць з беларускіх нумароў ад імя мабільных аператараў
МТС нагадвае правілы інфармацыйнай бяспекі ў сувязі з бесперапыннымі выпадкамі махлярства як з дапамогай галасавой сувязі, так і месенджараў. У апошні час ашуканцы практыкуюць новую схему для атрымання персанальных даных і крадзяжу грашовых сродкаў: яны тэлефануюць з беларускіх нумароў, прадстаўляючыся супрацоўнікам аднаго з мабільных аператараў.
Раней беларусам масава паступалі тэлефанаванні з замежных абаненцкіх нумароў і ў месенджарах нібыта ад імя банкаў або праваахоўных органаў. Аднак зараз сталі вядомыя факты тэлефанаванняў з нумароў мабільных аператараў Беларусі з выкарыстаннем SIM-картаў, якія трапілі да невядомых асоб падманным шляхам.
Ашуканцы прадстаўляюцца супрацоўнікамі мабільных аператараў і просяць выканаць якія-небудзь дзеянні (напрыклад, перайсці па спасылцы), каб спампаваць шкоднаснае ПА і атрымаць доступ да лагінаў і пароляў, якія захоўваюцца ў гаджэце. Таксама яны могуць настойваць на абнаўленні мабільнага памочніка або правядзенні апытання задаволенасці дзейнасцю кампаніі (з дапамогай увядзення камбінацыі лічбаў), што дазваляе ім атрымаць доступ да сістэм самаабслугоўвання.
Рэкамендацыі ва ўсіх выпадках застаюцца ранейшымі: на тэлефанаванні з незнаёмых замежных нумароў лепш не адказваць. Калі ж размова распачалася, то, пры найменшым падазрэнні, варта як мага хутчэй яе завяршыць, затым ператэлефанаваць у банк/міліцыю/аператару сувязі па нумары на афіцыйным сайце, каб удакладніць, ці сапраўды тэлефанавалі прадстаўнікі арганізацый або ведамстваў.
Трэба памятаць, што супрацоўнікі мабільных аператараў не тэлефануюць абанентам з выкарыстаннем месенджараў, не выкарыстоўваюць замежныя нумары, не патрабуюць змяніць паролі. Удакладненне персанальных даных ніколі не адбываецца па тэлефоне (з дапамогай фота пашпарта), гэта можна зрабіць толькі пры асабістым наведванні салона сувязі.
МТС нагадвае, што тэлефон у сучасным свеце — універсальны пункт доступу да важнай асабістай інфармацыі, уключаючы даныя пра банкаўскія рахункі, карткі, коды аўтарызацыі, SMS-пацверджанні і інш. Нельга даваць доступ да яго трэцім асобам, пераходзіць па падазроных спасылках, мяняць паролі або ўсталёўваць праграмы пад кантролем і па патрабаванню незнаёмых.