МТС выступіў інфраструктурным партнёрам нацыянальнай сеткі электразаправачных станцый

07.08.2020

МТС забяспечыў воблачныя сэрвісы і інтэрнэт-злучэнне для электразаправачных станцый Malanka, якія неўзабаве будуць запушчаныя ў камерцыю. Аб'екты для зарадкі працуюць па ўсёй краіне. Больш за 270 ЭЗС аснашчаныя SIM-картамі з паслугай VPN, а платформы кіравання размешчаныя ў «воблаку» аператара.

Інфраструктура аб'ядноўвае ЭЗС на трасах краіны і ў гарадах: на паркоўках побач з бізнес-цэнтрамі, спартыўнымі і культурнымі аб'ектамі. Аб'екты размешчаныя так, каб уладальнікі электракараў маглі камфортна перамяшчацца па краіне. Праект дазволіць развіваць выкарыстанне экалагічнага транспарту ў Беларусі.

Кожная электразаправачная станцыя аснашчаная SIM-картамі з паслугай VPN ад МТС, якія забяспечваюць інтэрнэт-злучэнне для маніторынгу даных пра стан абсталявання. Платформа кіравання аб'ектамі размешчаная ў МТС Cloud. Акрамя таго, з «воблакам» мабільнага аператара інтэграваная праграма Malanka, якая распрацаваная для ўладальнікаў электракараў. Праграма дазваляе бачыць размяшчэнне бліжэйшых ЭЗС і якія з іх вольныя, адсочваць працэс зарадкі і якую адлегласць праедзе электрамабіль на зарадзе, які застаецца.

Malanka - першая і найбуйнейшая нацыянальная сетка электразаправак у краіне, створаная кампаніяй «Беларуснафта». Сетка ЭЗС уключае два тыпы станцый - з хуткай і экспрэс-зарадкай. Сёння ўстаноўленыя зарадныя станцыі здольныя абслугоўваць да 9 тысяч электрамабіляў. Да 2022 года плануецца запусціць сетку суперхуткіх заправак, якія дазволяць зараджаць электракар за лічаныя хвіліны. План па маштабаванні нацыянальнай сеткі разлічаны на 7 гадоў.

Будзьце ў курсе выгадных прапаноў - падпішыцеся на рассылку МТС