МТС стаў пераможцам прэміі эфектыўнасці маркетынгу ADMA у намінацыі «Сацыяльныя кампаніі камерцыйных брэндаў». Узнагароду атрымаў маштабны праект #ІнтэрнэтБезБулінга, які таксама адзначаны спецпрызам гэтага конкурсу і на фестывалі рэкламы ЛАМА.
![МТС стаў пераможцам прэміі эфектыўнасці маркетынгу ADMA МТС стаў пераможцам прэміі эфектыўнасці маркетынгу ADMA](/upload/medialibrary/557/37e373amlet6y1k2a6v7kgssqz443fg6/Foto2-_1_.jpg)
![МТС стаў пераможцам прэміі эфектыўнасці маркетынгу ADMA МТС стаў пераможцам прэміі эфектыўнасці маркетынгу ADMA](/upload/medialibrary/8fe/uz3v7ebescjgpl125fftss3v1rh20ahu/Nagrady.jpg)
Праект #ІнтэрнэтБезБулінга заваяваў золата ў намінацыі «Сацыяльныя кампаніі камерцыйных брэндаў», а таксама атрымаў спецыяльны прыз ад генеральнага партнёра прэміі кампаніі Mastercard.
Сумесная ініцыятыва МТС і Дзіцячага фонду ААН (ЮНІСЕФ) у Беларусі накіравана на прафілактыку цкавання сярод дзяцей і падлеткаў у інтэрнеце. Яна дапамагае атрымаць больш інфармацыі пра кібербулінг і навучае дзяцей бяспечным паводзінам у Сетцы. Акрамя таго, праект накіраваны на прасоўванне бясплатных інструментаў дапамогі: кругласутачнай гарачай лініі і псіхалагічнай анлайн-дапамогі.
Акрамя таго, у намінацыі «Кампаніі з доўгатэрміновым эфектам» як фіналіст адзначаны праект МТС «Відэаўрокі па школьных прадметах». Ён быў рэалізаваны сумесна з прафесійнымі педагогамі пры падтрымцы Міністэрства адукацыі Беларусі.
Праект #ІнтэрнэтБезБулінга таксама ўвайшоў у фінал намінацыі «Інтэрнэт і тэлекам» прэміі ADMA. Гэтая маштабная ініцыятыва, у тым ліку, была прадстаўленая на фестывалі рэкламы ЛАМА і атрымала бронзу ў намінацыях «PR-кампаніі» і «Сацыяльная рэклама», а таксама спецыяльны прыз журы.
ADMA (Advertising & Marketing Awards) — прэстыжная прафесійная прэмія ў сферы маркетынгу, якая вызначае лепшыя брэнды і праекты, рэалізаваныя на беларускім або замежных рынках, з пазіцыі эфектыўнасці.
Фестываль рэкламы ЛАМА збірае штогод лідараў індустрыі камунікацый Беларусі і заказчыкаў рэкламы, якія імкнуцца эфектыўна ствараць брэнды і кіраваць камунікацыямі, выкарыстоўваючы актуальныя тэхналогіі маркетынгу і рэкламы. У гэтым годзе на ўзнагароды прэтэндавалі 311 конкурсных работ.