У сваёй дзейнасці кампанія кіруецца прынцыпам сацыяльнай адказнасці - асаблівую ўвагу МТС надае клопату пра спажыўца, пра супрацоўнікаў, займае актыўную пазіцыю ў падтрымцы гуманітарных, культурных, спартыўных і іншых грамадска значных праектаў.

Безумоўна, асноўнае поле рэалізацыі сацыяльна адказнай пазіцыі МТС - аказанне кліентам найбольш якасных і перадавых паслуг сувязі па даступных для кожнага тарыфах. Разам з тым, разам з тэлекамунікацыйнымі тэхналогіямі МТС свядома развівае тэхналогіі сацыяльна адказнага інвесціравання.

З'яўляючыся ўдзельнікам ініцыятывы ААН «Глябальная дамова», МТС праводзіць у Беларусі шэраг сістэмных сацыяльна арыентаваных праграм:

• праграма падтрымкі спорту
• праграма абароны здароўя насельніцтва і папулярызацыі здаровага ладу жыцця
• праграма падтрымкі культуры і мастацтва
• праграма падтрымкі экалагічных ініцыятыў
• праграма падтрымкі дзіцячай і маладзёжнай творчасці
• праграма падтрымкі найменш абароненых слаёў насельніцтва (дзяцей-сірот, інвалідаў).

Сярод найбольш яркіх акцый, рэалізаваных або падтрыманых МТС за апошні час, - «Тэлефанаванне аднапалчаніну», «Дзень без аўтамабіля», падтрымка беларускай дэлегацыі на XXI зімовых Алімпійскіх гульнях у Ванкуверы, садзейнічанне ў правядзенні 27-га Чэмпіянату Еўропы па мастацкай гімнастцы, дабрачынная акцыя «Чырвоная сукенка», арганізаваная ў рамках міжнароднага руху The Heart Truth Red Dress Collection, музычны праект «Максімум на МТС» - канцэртны тур з удзелам зорак эстрады Беларусі, Расіі і Украіны. Кампанія выступае Генеральным партнёрам міжнароднага фестывалю рэкламы і маркетынгу «Белы квадрат», афіцыйным партнёрам Міжнароднага фестывалю мастацтваў «Славянскі базар у Віцебску», Міжнароднага фестывалю Юрыя Башмета ў Мінску.

Традыцыйна пад пільнай ўвагай МТС знаходзіцца падтрымка нацыянальнага спорту. Кампанія з'яўляецца Генеральным партнёрам Беларускай асацыяцыі гімнастыкі, афіцыйным партнёрам Беларускай федэрацыі футбола, Нацыянальнага алімпійскага камітэта, аказвае садзейнічанне развіццю хакея, гандбола.

Пры падтрымцы МТС праходзяць такія спартыўныя падзеі, як Міжнародны дзіцячы турнір па мастацкай гімнастыцы Baby Cup, этапы Кубка свету па мастацкай гімнастыцы, адкрыты чэмпіянат Рэспублікі Беларусь і Міжнародны турнір па спартыўнай гімнастыцы на прызы шасціразовага алімпійскага чэмпіёна Віталя Шчэрбы, Дзіцячы турнір па гімнастыцы «Кубак Маўглі» і многія іншыя спаборніцтвы.

Па выніках 2005, 2007-2009 гадоў кампанія МТС прызнаная ў Беларусі брэндам года ў намінацыях «Аператар мабільнай сувязі» і «Сацыяльна адказны брэнд» Нацыянальнага конкурсу «Брэнд года».

Па выніках 2010 года кампанія МТС прызнаная пераможцам у катэгорыях «Актыўная сацыяльная пазіцыя» і «Прыватна-дзяржаўнае партнёрства» у ганаровай намінацыі «САЦЫЯЛЬНА АДКАЗНЫ Брэнд 2010» у рамках нацыянальнага конкурсу «Брэнд года»

Справаздача пра сацыяльныя праекты кампаніі МТС у 2017 годзе