Меню

Камплаенс

Кампанія СТАА «Мабільныя ТэлеСістэмы», як найбуйнейшы аператар сувязі ў Рэспубліцы Беларусь, надае асаблівае значэнне адпаведнасці сваёй дзейнасці агульнапрызнаным правілам і стандартам у сферы камплаенс-кантролю. У кампаніі замацоўваецца прынцып непрымання карупцыі ў любых формах і праявах як у паўсядзённай дзейнасці, так і падчас рэалізацыі стратэгічных праектаў.

Прытрымліваючыся асноўных прынцыпаў выканання антыкарупцыйнага заканадаўства і этычных дзелавых паводзінаў ва ўсіх відах дзелавых адносін, кампанія надае важнае значэнне і спрыяе фарміраванню эфектыўнага, празрыстага і канкурэнтнага рынку паслуг электрасувязі.

Асаблівая ўвага надаецца ўнутранаму кантролю па прадухіленні камплаенс-рызыкаў, правядзенню ў гэтым кірунку пастаяннай работы, уключаючы навучанне сваіх работнікаў.

У мэтах забеспячэння адпаведнасці дзейнасці кампаніі патрабаванням антыкарупцыйнага заканадаўства ў СТАА «Мабільныя ТэлеСістэмы» створана Камісія па супрацьдзеянні карупцыі.

З асноўнымі нарматыўнымі прававымі актамі, якія рэгламентуюць пытанні ў галіне антыкарупцыйнага заканадаўства Рэспублікі Беларусь і антыкарупцыйнага камплаенс у СТАА «Мабільныя ТэлеСістэмы» можна пазнаёміцца ў раздзеле Антыкарупцыйнае заканадаўства.