Кошт паслуг за мяжой - сума грашовых сродкаў, якая спісваецца з балансу за аказаныя за мяжой (у роўмінгу) паслугі сувязі, напрыклад, тэлефанаванні, паведамленні і мабільны інтэрнэт.
Заўвага
Карыстацца паслугамі сувязі за мяжой можна толькі ў тым выпадку, калі на вашым нумары дзейнічае паслуга «Роўмінг» або «SMS-роўмінг».
Ад чаго залежыць кошт паслуг за мяжой?
Кошт паслуг сувязі ў роўмінгу залежыць ад роўмінгавага аператара — партнёра МТС, у сетцы якога вы робіце рэгістрацыю.
Як даведацца пра кошт паслуг за мяжой?
Кошт паслуг за мяжой можна ўдакладніць тут.
Які прынцып тарыфікацыі паслуг за мяжой?
Тарыфікацыя ўваходных і выходных тэлефанаванняў у роўмінгу памінутная (з акругленнем у большы бок).
Тарыфікацыя мабільнага інтэрнэту ў роўмінгу - па 50 Кбайт.
Важна
Рэкамендуем звярнуць увагу на кошт мабільнага інтэрнэту – і, каб пазбегнуць непрадбачаных выдаткаў, адключыць у настройках тэлефона опцыю перадачы даных або падключыць паслугу «Забарона на інтэрнэт-доступ у роўмінгу».
Як адбываецца спісанне сродкаў за паслугі ў роўмінгу?
За мяжой (у роўмінгу) спісанне сродкаў за паслугі выконваецца па меры паступлення інфармацыі ад роўмінгавых партнёраў. Роўмінгавы аператар можа назапашваць інфармацыю пра карыстанне паслугамі, а затым разава перадаць яе ў нашу кампанію.
Тарыфікацыя паслуг у роўмінгу можа ажыццяўляцца з затрымкай да 30 дзён.