PIN і PUK коды

PIN-код - гэта лічбавы пароль для засцярогі вашай SIM-карты. Яго трэба ўводзіць кожны раз, калі вы ўключаеце тэлефон. PIN-код выдаецца вам падчас падключэння да сеткі МТС.

Як адключыць PIN-код?

У залежнасці ад мадэлі вашага тэлефона адключыць увод PIN-кода можна наступным спосабам: Меню -> Параметры / Налады -> Блакіроўка / Бяспека -> Блакіроўка SIM (або любы іншы пункт меню з абрэвіятурай SIM) -> Запыт кода PIN / Запыт пароля (ці любы іншы пункт з абрэвіятурай PIN) -> Адключыць. Пры гэтым вам спатрэбіцца ўвесці PIN-код.

Як змяніць PIN-код?

Каб змяніць PIN-код, набярыце з вашага тэлефона каманду: **04*стары PIN* новы PIN*новы PIN#. Новы PIN-код можа змяшчаць ад 4 да 8 лічбаў.

Як даведацца пра свой PIN або PUK-коды?

Даведацца пра PIN і PUK-коды можна адным з наступных спосабаў:

  • Адправіць на кароткі нумар 9999 бясплатнае SMS наступнага віду: 375 ХХ ХХХ ХХ ХХ <прабел> кодавае слова. SMS можна адправіць з любога тэлефона з актыўнай SIM-картай МТС. Кодавае слова вызначаецца абанентам падчас афармлення дагавора на паслугі сувязі і можа быць актуалізавана або зменена падчас звароту ў салон сувязі МТС.
  • Праз Інтэрнэт-Памочнік;
  • Звярнуцца ў Кантактны цэнтр МТС;
  • Наведаць Цэнтр абслугоўвання абанентаў МТС.

PIN і PUK-коды даюцца толькі ўладальніку нумара. Падчас звароту ў Кантактны цэнтр неабходна прад’явіць пашпартныя даныя або Кодавае слова (калі яно вызначанае). У Цэнтры абслугоўвання абанентаў вам спатрэбіцца пашпарт.

Што рабіць, калі SIM-карта заблакіравалася?

Калі вы няправільна ўвялі PIN-код 3 разы запар - ваша SIM-карта будзе заблакіраваная. Каб разблакіраваць SIM-карту, неабходна ўвесці PUK-код. Прытрымлівайцеся падказак на экране тэлефона або набярыце каманду: **05*PUK*PIN#.

Для набору PUK-кода прадугледжана 10 спробаў. Калі ўсе 10 разоў вы набралі PUK-код няправільна, SIM-карта будзе заблакіраваная цалкам, і вам давядзецца набыць новую SIM-карту. Пры гэтым нумар тэлефона захоўваецца. Кошт замены SIM-карты - 2,43 рублёў (з улікам ПДВ).